TEMPO DE NADAL.

O  tempo de Nadal chegou, cheo de sorpresas e alegrías.

Entre tódolos cursos de infantil construímos con caixas unha árbore de Nadal.

Decoramos as portas e ventás con motivos invernais.

Agradecemos a colaboración das familias que trouxeron adornos feitos con material de refugallo e puidemos decorar os corredoiros da escola. 

Canta creatividade e orixinalidade!

Vímonos sorprendidos e sorprendidas coa visita das SS.MM. os Reis Magos de Oriente que recolleron as peticións dos nenos e nenas e deixaron un agarimo para todos e todas. Sen dúbida un dos momentos máis emocionantes do trimestre.

 

Fixemos unha festa de Nadal na que non faltaron as lambetadas.

E o último día antes das vacacións tivemos o festival con todos os compañeiros e compañeiras do colexio.

O alumnado de 3 anos traballou moito e bailaron:"En estas Navidades quiero bailar".

O alumnado de 4 anos representou unha panxoliña moi animada: "O twist do Nadal". 

Os maiores de infantil cantaron a panxoliña "Jingles bells" en xaponés.

Para rematar a festa cantamos con todo o colexio unha panxoliña en inglés e outra en galego "Volver a casa por Nadal".

Pódese dicir que gozamos todos e todas, non só os pequerrechos e pequerrechas. Non é difícil deixarse contaxiar pola súa capacidade de fascinación e o seu encanto.